صادفتها صـدفه بمستوصف القــمـة **** بالـعـين راعـيتـها لـحظـة و تـرعـاني
شميت أنـا عطرها و يا بخت من شمه **** يدوخ و يسكر و لو ما هوب شربـاني
قـمـت أتذكر زمـانـاً فــات و ألــمـه **** لا عـاده اللـه نـصـيـب الـيــوم ودانــي
هـلت دمـوع الـعيـون و لا بـقـا غــمـه **** مـمـا جـرى لـي نـسـيت آلآم الأسناني
معهـا أخوها رفـع كـفـه عـلى فـمـه **** كـنـه يـقـول اللـه الــستـار يـاقـانـي
نفس المـلامـح و يــشـبه دمـهـا دمــه **** سبحان ربي خلـقهم تــاج الأعـيـــاني
يدري بـحبي و تـدري أمــه و عـمـه **** حــال الـقـدر بـينـنا و الـحـب سـلطاني
يبكي و يمسح دموع اعيـونه بكـمـه **** يبكي على شنها و يبكي على شاني
و اللـه يـلـولا الـحيــا و الــدين لـظـمه **** و اسمعه شـهـقةٍ مـن قـلـب شـفـقـانـي
و الحب بلوى منـه النــفـس مــهتـمــه **** وش حيلتي و الغـضـي دمـي و شرياني
جسمي يروح و يجي و القلب من يمه **** القـلـب عـنـده يــبـيه و لا يـبي ثــانــي
اقسم بربي و أنـا لي مـذهب و ذمــه **** لـعـيـش أحبـه ولـو حــبـه عـلي جـانـي
شربت كاس الهوى و رويت مـن سـمه **** ما مت و ارتحت و لا هـوب إلي أحياني
أضحك مـع النـاس و الأحـزان منظـمـه **** كـني سـعيـدٍ و أنـا مـبلـي بـالأحـزاني
عنـدي وصـية و تـالي الـهـرج يا يمه **** الـمـوت حـقٍ عـلى الـقـاصي مع الداني
و إن صرت فوق النعش و الناس ملتمه **** مـرو عـلى بـيـتها و تـشـوف جـثمـانـي
قولو لها الـموت زم اصـويح بـس زمـه **** مـا مـات حـبـه ولـو هـو بـالـنعـش فاني
شـلناه لـلـمقبره و ادعـي لـه الـقـمـه **** خـوذي ثـوابـه و جـودي لـه بـا لأحزاني
يا اللـه يـا المـقتدر يـا كـاشـف الغمه **** تــفــرج لــمـن حـالـتـه دوم بـنـقــصانـي
أتمنى تحوز على رضاكم و اعجابكم يا أحبائي